很瞎很忙乱
2009 / 03 / 13 ( Fri )
琴晚学校有个职业规划大赛,我地呢个小学院照旧要全院出动。

好似押犯甘押到去山顶位睇十个人讲距地噶职业规划,我都唔知又乜甘好听,个个都讲得现实甘理想,困难只系被距地一两句就带过。呢个比赛有咩实际意义呢?正所谓变化不及计划快,有几多野系你计到或者估到噶呢?

。。。睇时间,已经过左成个几钟,比赛仲未完,好多人又唔见左,连坐系我后面噶人都越黎越少,于是,我地四个决定唔再等落去,喇喇声起身走佬。

但正如刚才讲噶,人往往会遇到好多突发噶情况,到我地想走个阵,警卫已经变得森严,门口,厕所都有保安把守。连本来可以从练舞室窗口爬脱噶难得机会都被保安发现左。正当烦恼之际,我地都走到去后台噶走廊。呢个时候,熊猫悄悄行左去一个诡异噶转弯位之后就唔见左。我地四个唔同越狱旅程就开始啦。

熊猫转弯之后稳到一个离大门最远噶厕所,里面同时都有两个女仔,熊猫睇左下窗外无保安,个女仔迅速关埋女厕门,熊猫就以炸膝盖噶方式跳落去草地,跑去篮球场打电话俾我地。
阿q接到熊猫电话跟住去到厕所,我同距准备爬上洗手台个阵,听到主任开口讲,呢度系男厕啊。(我地都唔知,因为两个厕所都无人,我地就入左个黎窗口最近噶)但保安唔知点解就跟左上黎赶我地出黎,仲跑到去阿q面前叫我地唔好再翻窗出去。之后趁保安转弯走左,阿q见有个男同学行埋黎,就冲过去搭住人地博头急急脚行去厕所。男同学第一个跳出去,见保安唔系度,阿q两野爬上洗手台纵身一跃跳左落去。其实一直都有个男生A企系洗手台隔离望住我地,轮到我要爬上去噶时候,厕所出黎男生B,我都唔知呢个时候做乜鬼突然怕丑,唔好意思踩上去。男生A忽然好绅士甘双手指向窗口,仲讲左声:请。多得距鼓励,我大步一踩上洗手台,第二下就跳左落草地,我突然间觉得自己好man。可惜主任就无甘好彩走得甩,距爬到条裤都湿埋都仲系被保安叫翻落黎。

差唔多跑到篮球场个阵,以为越狱成功啦,点知又收到消息,队长系宿舍赶紧人,要系体育馆数人。顶你个肺咩,唔早d通知!我地跟住从宿舍过黎噶同学一齐入翻去综合馆,仲要俾个保安认得,对住我话“怎么又回来了?”我都觉得好戆居,因为最后都系恢复囚犯噶身份,当初仲搏晒命甘稳办法出去。。。

一次模拟越狱甘就结束左,翻到综合馆后,发现只有我地学院个忽系最多人,一直等到获奖者影相留念我地先离开。。。

花絮:剧烈运动之后,我地几个都好肚饿,走左去便利店食野。翻到去一半个阵,四条友觉得脚软,于是好无仪态甘坐左系路边捧住盒麻辣烫食,仲有两个同专业噶经过见到我准备食野噶落魄样,仲要笑喔。。。唉,我又何尝唔系怀疑你地两个系有路噶呢?仲阻住左对陌生小情侣亲热。一场越狱戏,就系人地好温馨噶情景下落幕啦。。。

完.
15 : 10 : 19 | 破事兒 | 引用:(0) | 留言:(0) | page top↑
<<无标题 | 主页 | 欲望把我吓坏了>>
留言:
发表留言














只对管理员显示

引用:
引用 URL
http://chizha903.blog126.fc2blog.us/tb.php/39-60fa05e3
引用此文章(FC2博客用户)
| 主页 |